Benqueridas familias!
Despois duns días de descanso volvemos ao cole e queríamos recordarvos que xa temos todo ao día para que poidades facervos socias da AFA Barouta.
As nenas e nenos do CEIP de Barouta precisan de todas e cada unha de vós, porque unidas somos máis fortes, porque todas defendemos un ensino público de calidade e para iso é precisa a axuda, colaboración e participación de todas e todos. Desde a AFA traballamos polo ben común das nosas fillas e fillos, con respecto, honestidade, esforzo e sobretodo con ilusión e moitas ganas de que medren libres nunha escola e nunha sociedade que se preocupe polo seu benestar, tanto físico, como emocional.
ASÓCIATE por só 15 € ao ano e acompáñanos nesta viaxe!
Recorda que esta semana estaremos en Barouta de 8:50 a 9:15 e de 15:30 a 17:30, de luns a venres por se queres asociarte presencialmente, e que tamén o podes facer desde a web, enviándonos un correo electrónico, e facendo pago en efectivo, por transferencia ou domiciliando o recibo .
Grazas a todas, AGARDÁMOSVOS!