O venres 12 de decembro temos a primeria reunión do Consello Escolar da Infancia deste curso 2025-2026.
O Consello Escolar da Infancia é un órgano permanente e estable de consulta, representación e participación das nenas e nenos de Barouta.
Nel teñen presenza tódalas aulas a través de dous ou dúas representantes, que trasladan as inquedanzas, queixas e porpostas para tomar decisións de maneira democrática.
Obxectivos:
- Crear un espazo de encontro, favorecendo a aceptación da diferencia entre iguais.
- Crear e fomentar un espazo democrático, de participación activa.
- Traballar dende os dereitos da infancia, dándolle prioridade e relevancia ás necesidades do alumnado.
- Facilitar espazos e ferramentas para aprender e levar a cabo procesos participativos.
- Traballar o espíritu crítico e constructivo atendendo á contorna máis próxima e ás decisións que nos afectan no día a día.
- Traballar dende unha perspectiva de xénero, de igualdade e inclusiva.
- Cumprir coa Convención sobre os Dereitos do Neno (CDN), adoptada por unanimidade pola Asemblea Xeral de Nacións Unidas mediante a Resolución 44/25 do 20 de novembro de 1989, donde se recolle o dereito da infancia, entre outros, de expresar a opinión libremente.
- Formar cidadáns do futuro como membros activos e participativos da sociedade.
Funcións:
- Difundir intereses e preocupacións do alumnado.
- Porpoñer iniciativas. Efectuar propostas de cambio e propoñer solucións alternativas.
- Colaborar co resto de órganos e equipos do centro na toma de decisións.
- Informar ao alumnado de tódalas propostas que lles afecten.
Referencia: