Escola aberta e participativa – “O traballo de policía local” [Diana].

Hoxe tivemos unha visita moi especial na aula de 1º de Primaria. Diana, inspectora de Policía Local de Santiago de Compostela e tamén nai dun alumno da clase, compartiu co alumnado unha interesante charla sobre o seu traballo.

As nenas e nenos puideron coñecer mellor o uniforme que levaba posto, descubrir para que serven algúns dos seus elementos e aprender a importancia da labor que realizan os e as policías no día a día.

Comprenderon que a súa principal misión é axudar ás persoas, velar pola súa seguridade e contribuír ao benestar da comunidade.

Moitas grazas Diana por dedicar o teu tempo e achegarlles ao alumnado unha profesión tan importante e necesaria. Foi unha experiencia moi enriquecedora para todos e todas.