Bo día familias!
Porque coñecemos —e experimentamos en primeira persoa— a importancia de contar con información rigorosa e accesible para acompañar ás crianzas dun xeito consciente, respectuoso e actualizado, neste terceiro trimestre queremos convidarvos a participar no I ciclo de formación dirixido a familias.
A AFA Barouta, coa colaboración do CEIP de Barouta, organizamos tres sesións con temáticas diferentes pero fundamentais durante a infancia e adolescencia, pensadas para ofrecer ferramentas útiles ás persoas que temos a responsabilidade de educar ás que serán futuras xeracións de adultas.
Cada un destes encontros será conducido por profesionais especializadas nos seus ámbitos.
📝 Ide tomando nota e reservade oco na axenda:
📅 Martes 28 de abril-16:30h
Remover e sementar: como acompañar a educación sexual desde as familias
Impartido por Noelia Moreau (Con Moito Gusto Sexoloxía)
📅 Xoves 28 de maio-16:30h
Neurodesenvolvemento infantil e pantallas: consecuencias da sobreexposición
Impartido por Susana Vales (Mudare)
📅 Mércores 10 de xuño-16:30h
Comunicación e límites positivos para conseguir desenrolar todo o potencial das crianzas
Impartido por Mercedes Urbiola (Galicia Montessori)
📍Lugar: Biblioteca do CEIP de Barouta
🪀Para facilitar a asistencia, haberá servizo de monitorado de balde durante a duración das sesións.
Agardamos contar con todas vós e agradecemos que lle deades difusión para que chegue ao maior número de persoas posibles, xa que son encontros abertos a toda a comunidade.
Non é necesaria inscrición previa!