Bo día familias!
Anotade ben nas vosas axendas: o vindeiro domingo 23 de febreiro ás 12:00 da mañá, vamos acompañar á plataforma Queremos Galego á que estamos adheridas, á manifestación que sairá da Alameda de Santiago e que rematará no Obradoiro, para reivindicar a defensa e importancia da nosa lingua.
Aproveitemos os cartaces e camisolas que elaboraron as nosas crianzas para a foliada do modo galego o pasado venres e vaiamos todas xuntas a Compostela. Loitemos para que se nos escoite e para devolver a lingua galega ao lugar que lle corresponde: convertela de novo na lingua máis falada da nosa terra!
Agardamos por vós, ACOMPAÑÁDENOS!