| Escoitar artigo (Voz: Juan) |
Este venres 8 de marzo, na Casa de Cultura de Bertamiráns ás 19:00 h, o alumnado de 6º vai presentar o seu libro de Haikus: “Universo Inverso”.
Despois dun apaixonante traballo feito coa titora dende o inicio de curso, onde se crearon tanto os textos como as ilustracións, obtivemos como resultado este libro que nos trasladará a diferentes paisaxes e vivencias a través dos sentimentos que cada Haiku vai evocar en nós.
Non podiamos quedar coa emoción contida do que o alumnado acabara de realizar, e por iso decidimos publicalo e compartilo con todas e todos vós.
O proceso de traballo foi moi intenso e enriquecedor, a través de tarefas colaborativas en onde cada alumna e alumno, sen excepción, tivo o seu protagonismo e deixou un anaquiño do seu sentir.
Esperámosvos na presentación que tanta ilusión lle fai ao alumnado e que tanto orgullo nos produce ás mestras e mestres de Barouta.
* Haberá intérprete de linguaxe de signos.
Referencias: