O CEIP BAROUTA vén de participar no proxecto presentado polo concello de Ames “A miña avoa xa facía ciencia”. Co gallo do “Día da muller e as nenas na ciencia“, que se celebra o día 11 de febreiro, recibimos á avoa de MATEO MOURELOS-5º INFANTIL o 20 de febreiro. Chámase ISABEL ,vén de Viveiro (Lugo) e veu acompañada do seu fillo Jacob e, por suposto, do seu neto Mateo e da súa clase.
Isabel e Mateo explicáronnos como FABRICAR POTAS PARA PESCAR LURAS e o concello gravou un video que agardamos poder ver na súa páxina.
As potas son un cebo artificial en forma de peixiño ao que se lle poñen ollos e aletiñas. Despois píntanse con cores rechamantes ou cúbrense con tea que parece feita de escamas. Para que se nos dea ben a pesca,precisan cores moi vivas coma verde,rosa fucsia ou amarelo e unhas son máis eficaces que outras. Despois, segundo queiramos pescar luras en zonas máis superficiais do mar ou máis profunfas engadimos boliñas de chumbo e así mudamos a súa flotabilidade, é dicir, facemos que floten ou afundan máis.
Mateo dí que xa pescou unha, agora animádesvos vós?
Moitísimas grazas á avoa Isabel por vir facer ciencia desde tan lonxe e a Jacob e Mateo por traela xunto a nós.
Préme na GALERÍA para ver as imaxes.
Agradecemos tamén a implicación do concello de Ames para a realización deste proxecto.