No día de hoxe e sen previo aviso,  tivemos un simulacro de evacuación atendendo a unha alarma de incendio na primeira planta na que se xerou unha zona de fume que dificultaba a visibilidade. Este simulacro complementa a formación realizada do Protocolo de Autoformación que facemos cada curso.

A alarma soou pouco antes do tempo de patio, e todo o alumnado, profesorado e persoal do centro, realizamos a evacuación sen ningún incidente e seguindo as pautas establecidas.

No simulacro do curso pasado atendemos a unha situación excepcional que foi o desvaecemento dunha persoa, á que houbo que facerlle reanimación. Hoxe, a situación á que tivemos que enfrontarnos foi a de un alumno pechado nos baños, que tivo que ser localizado e trasladado xunto co resto do alumnado ao punto de encontro.

Unha das aulas senalizadas na porta cun folio para indicar que está revisada e sen alumnado dentro, tal como establece o plan de evacuación.

Tamén actualizamos o Plan de Autoprotección, tal como recolle o protocolo de actuación. Téndelo no noso apartado de Documentos.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.